Mae’n ddyletswydd statudol ar awdurdodau lleol sy'n ymgymryd â gorfodi parcio sifil i ddarparu system ddyfarnu annibynnol. Mae’r berthynas rhwng y dyfarnwyr a’r Cyd-bwyllgor yn deillio o, ac yn cael ei lywodraethu gan y Ddeddf Rheoli Traffig 2004, neu gan y Ddeddf Drafnidiaeth 2000 yn achos Cyd-bwyllgor Gwasanaeth Dyfarniadau Lonydd Bws (BLASJC).

Mae dros 300 o awdurdodau yng Nghymru a Lloegr (tu allan i Lundain) yn aelodau o Gyd-bwyllgor Gwasanaeth Dyfarniadau PATROL, ac yn gweithredu’r ddyletswydd yma ar y cyd.

Prif swyddogaeth y Cyd-bwyllgor yw darparu adnoddau i gynorthwyo’r dyfarnwyr annibynnol a’r staff sy’n rhan o’r Tribiwnlys Cosbau Traffig. Mae’r Tribiwnlys yn delio â:

• Parcio: Cymru a Lloegr ( tu allan i Lundain)
• Lôn Bws: Cymru a Lloegr ( tu allan i Lundain)
• Traffig Symudol : Cymru yn unig
• Taliadau am ddefnyddio’r ffordd: Croesfan Afon Dartford-Thurrock, Parth Atal Tagfeydd Durham, a Chroesfan Pont Afon Merswy.

Yn ychwanegol, mae PATROL yn ymgymryd â mentrau i gefnogi awdurdodau lleol a chodi ymwybyddiaeth o amcanion gorfodi sifil gan gynnwys:

• Defnyddio gwobrau PARC i hyrwyddo’r awdurdodau i gyflwyno adroddiadau parcio lleol.
• Darparu gwybodaeth ynglŷn â gorfodi sifil drwy wefan PATROL.
• Cyfeirio materion sydd o ddiddordeb ynglŷn â rheoli traffig i’r awdurdodau lleol, tra hefyd yn ystyried safbwyntiau modurwyr (e.e. drwy system apeliadau’r Tribiwnlys Cosbau Traffig).